Әзілкеш Тұрсынбек Қабатов пен оның жары, продюсер Мөлдір Мұқанова жайлы әңгіме әлеуметтік желілерде әлі де қызу талқыланып келеді, деп хабарлайды Alash.kz.
Соңғы уақытта отбасына қатысты түрлі қауесет тарап, жұрт арасында сан алуан пікір туындаған. Мөлдір Мұқанова жуырда Instagram парақшасында ой салатын жазба жариялады. Ол көпшіліктің “неге саған жамандық жасағандарға үн қатпайсың?” деген сұрағына жауап берді.
“Айналамдағылар неге саған жамандық жасағандарға үн қатпайсың деп сұрайды. Ал мен уақытымды өз деңгейімнен төмен түсіп, кек қайтаруға ысырап етпеймін. Мен үшін тыныштық – ең үлкен жеңіс, сабыр сақтау – нағыз биіктік. Себебі менің жүрегімде кек емес, кешірім көп”, – деп жазды ол.
Бұл сөздерді желі қолданушылары түрліше қабылдады. Көпшілік жазбаны Тұрсынбек Қабатовпен байланыстырып, әртүрлі пікір білдірді. Кейбірі Мұқанованың бұл сөзін отбасылық жағдайға меңзеу деп түсінсе, енді бір бөлігі оның жеке көзқарасы деп бағалады.
Бұған дейін қоғамда әзілкештің екінші рет үйленгені туралы сыбыс тараған болатын. Бұл ақпарат ресми түрде расталмағанымен, әлеуметтік желіде қызу талқыға түсті.
Қазір Қабатов пен Мұқанованың отбасына қатысты әртүрлі пікір айтылып жатқанымен, олардың нақты жағдайы туралы ешқандай ресми мәлімдеме жасалған жоқ.
