22 тамыз күні Ақтау – Шымкент бағытындағы Scat әуе компаниясының рейсінде төтенше жағдай орын алды, деп хабарлайды Alash.kz.
Ұшақ бортында шамамен 200 жолаушы болған. Олардың барлығы шұғыл эвакуацияланып, әуе кемесі бес сағаттан астам уақыт бойы тексерілді. Тексеру барысында жарылғыш зат табылған жоқ.
Оқиғаға байланысты полицияға хабарлаған әйел ұсталды. Ол сәбиімен бірге сапарға шыққан. Тергеу органдары қылмыстық істі “терроризм актісі туралы жалған хабар тарату” бабымен жүргізіп жатыр.
Қолданыстағы заңнамаға сәйкес, мұндай әрекет үшін 5 мың айлық есептік көрсеткішке дейін айыппұл салу, түзеу жұмыстарына тарту немесе бес жылға дейін бас бостандығынан айыру жазасы қарастырылған.
