Блогер, әзілкеш Мереке Қалбаева Аман Тасығанға берген сұхбатында ене мен келін тақырыбында сөз қозғады, – деп жазды Alash.kz ұлттық порталы Aikyn.kz порталына сілтеп.
Ол келін болып түскенде, жат жерге сіңісіп кету оңай болмағанын жасырмады. Айтуынша, әсіресе, сәлем салғысы келмей, біраз қиналған.
«Тұрмысқа шыққалы енеммен тұрмадық, бірақ түсініспеушілік болатын. Кейін менде де балаларым үйленсе, қызғаныш деген сезім болатын шығар. Басында мама деп айта алмай қиналдым. Оның үстіне қайынағамды сіз деп айт, сәлем сал деді. Сол кезде де біраз қиналдым. Қазір күліп еске аламын. Қарап тұрсам, менде менмендік, тәкаппарлық болған. Онда тұрған ештеңе жоқ екен. Өзің би, өзің қожа болып қалған адаммын. Жат жерге барып, олардың тәртібімен жүру маған өте ауыр тиді... Қазір енемді анамнан кем көрмеймін, қатты жақсы көремін. Өз анаңдай болады деген өтірік. Келін де қызыңдай болмайды. Өзімнің туған анамдай жақсы көремін деп айта алмаймын. Екеуінің орны екі бөлек. Енемнің адамгершілігі мен маған қарым-қатынасын шын жүрегіммен жақсы көремін. Бірақ басында қайын ағамды өз-өзімнен іштей жек көрдім. «Неге сәлем салмай-ақ қой демейді. Қазір ондай заман емес қой» деп ойладым. Содан жек көріп, жақтырмай жүретінмін. Қазір мен үшін адамгершілігі мол, мықты азамат. Отбасы бар. Абысыныммен жақсы араласамын», - дейді ол.
