Бүгін Қазақстан Президенті Қасым-Жомарт Тоқаев пен Франция Президенті Эммануэль Макрон телефон арқылы сөйлесті. Бұл туралы Франция басшысы өзінің Х (бұрынғы Twitter) парақшасында қазақ тілінде жазды, деп хабарлайды Alash.kz ұлттық порталы.
Франция басшысы өзі қалдырған жазбада әңгіме барысында мемлекетаралық қатынастар мен екі ел арасындағы ынтымақтастық мәселелері талқыланғанын, халықаралық ахуалға байланысты пікір алмасқандарын, оның ішінде, Украина мен Ресей арасындағы соғыс, Оңтүстік Кавказдағы жағдай және Армения мен Әзербайжан арасындағы келіссөздер сөз болғанын айтты.
