Төтенше жағдайлар министрлігінің мәліметінше, жер асты дүмпулері кейбір елді мекендерде MSK-64 шкаласы бойынша 4 баллға дейін жеткен.
Атап айтқанда:
• Көкпекті ауылы (Абай облысы);
• Самар ауылы мен Өскемен қаласы (Шығыс Қазақстан облысы);
• Қалбатау ауылы (Абай облысы);
• Қасым Қайсенов кенті (Шығыс Қазақстан облысы).
Жерасты дүмпулері Шығыс Қазақстан және Абай облыстарының басқа да аудандарында 2–3 балл деңгейінде сезілген.
Ал Еуропа-Жерорта теңізі сейсмологиялық орталығының дерегіне сүйенсек, зілзаланың магнитудасы 5,2-ні құраған. Жер сілкінісінің эпицентрі Өскемен қаласынан оңтүстікке қарай 84 шақырым жерде орналасқан.
