«Қайтарылған активтерді басқару компаниясы» жауапкершілігі шектеулі серіктестігі Алматы облысының аумағындағы жалпы құны 1 млрд 575 млн 778 мың 934 теңге болатын бірнеше жер телімін аукционға шығарды, деп жазады Alash.KZ.
Оның ішінде әйгілі Шамалған ауылына жақын жатқан 50 мың гектар телім де бар.
Бұл жер телімінің аукциондағы бастапқы бағасы 43,8 млн теңге деп көрсетілген.
Бағалауға берілген нысанның орналасқан орны жақсы (әлеуметтік инфрақұрылымы бар, көлік жететін жерде, экологиялық жағдайы орнықты) деп сипатталады. Жер телімі Іле Алатауы ұлттық паркінің күзетілетін аумағында, «Үшқоңыр» резиденциясына баратын жолда, күзет бекетінен кейін, Шамалған ауылынан 16 шақырым жерде жатыр, - деп жазылған нысанды бағалау туралы есепте.
Құжатта нысанға көлікпен кіру өте ыңғайлы екені айтылған.
Бұған дейін 2025 жылдың басынан бері аукциондар арқылы 32 қайтарылған актив сатылатыны жазылған.
