Павлодарда сұлулық салонында екі әйел төбелесіп, қылмыстық іс қозғалды, деп жазады Alash.kz.
Оқиға Керекудегі Navi сұлулық салонында болған. Әлия есімді SMM агенттігінің басшысы мен Карина есімді блогердің арасында басталған ауызша сөзталас физикалық күш қолдануға әкелген.
Әлеуметтік желілерде тараған видеода екі әйелдің ауызша сөзге келіп, кейіннен бірін-бірі итеріп, киімдерінен тартқылаған сәті көрінеді. Сондай-ақ, арулардың бірі “старая” деп жеке басқа өткені анық байқалады. Куәгерлердің айтуынша жанжалдың мотиві “жігіт” болуы мүмкін.
Полиция бұл жағдай бойынша Қылмыстық кодекстің 107-бабы («Денсаулыққа қасақана жеңіл зиян келтіру») бойынша іс қозғады. Оқиға зерттелу үстінде.
