Астанада ерлі-зайыптылар баласының ауыр сырқатын сылтау етіп, жеке мүдделері үшін халықтан ақша жинаған, деп хабарлайды Alash.kz.
Олардың ұлы Алтаирге ауыр диагноз қойылған және Түркияда жасалуы тиіс 50 миллион теңгелік операция қажет болған. Қазақ халқы аянып қалмай, аталған соманы сол сәтте жинап берген. Бірақ, ата-ана қанағат қылмастан 300 миллион теңгеге жарнама жасап, әртүрлі таргет арқылы елден жылу жинауды тоқтатпаған.
Қаржылық мониторинг агенттігінің мәліметінше, соңғы 4 жылда 350 мың адам көмек көрсетіп, жалпы сомасы 1,3 миллиард теңгеге жеткен. Алайда нақты емге тек 6 млн теңге жұмсалған. Дәулет және Толқын Тотақановтар қалған қаржыға жылжымайтын мүлік, көлік, шетелдік сапарлар және құмар ойындар төленгені белгілі болды.
Қазір Тотақановтар жұбына қатысты алаяқтық және заңсыз табыс жасыру баптарымен қылмыстық іс қозғалып, іс сотқа жолданды.
