Шерзат ісі бойынша айыпталған азаматтардың бірі бостандыққа шықты. Бұл туралы адвокат Мейірман Шекеев хабарлады, деп жазады Alash.kz ұлттық порталы.
Адвокаттың айтуынша, Алматы облыстық сотының қылмыстық істер жөніндегі сот алқасының судьясы Мұсабекованың 2025 жылғы 23 шілдеде шығарған қаулысымен кәмелетке толмаған Думан Ысқақтың бұлтартпау шарасы тоқтатылып, ол қамаудан босатылған. Себебі сотталушы бірінші сатыдағы сот белгілеген жазаны толық өтеп болған.
Сонымен қатар, Мейірман Шекеев Шерзат ісі бойынша апелляциялық тыңдаудың 2025 жылғы 18 тамыз күні сағат 11:00-де Алматы облысының сот ғимаратында өтетінін айтты.
