Талғар қаласындағы «Камажай» дүкенінің жанында 16 жастағы Шерзат Полатты өлтіру оқиғасынан кейін бұл іс бүкіл Қазақстанның назарында. Бұл туралы ALASH.KZ Ulysmedia.kz сайтына сілтеме жасап хабарлайды.
Сот алдында тоғыз күдікті жауап беруде, олардың бірі – кәмелет жасына толмаған.
Сот процесі 10 сәуірде басталды, ал ертең, 17 сәуір күні Талдықорғанда негізгі сот отырысы өтеді. Іс ашық форматта қаралып, сот отырыстары бейсенбі және жұма күндері өтетін болады.
Кеше әлеуметтік желілерде бір ер адамның суреті тарады, қолданушылар оны Шерзат Полатты өлтіру ісі бойынша айыпталушылардың бірі деп таныды.
Алайда бұл ақпарат ресми түрде расталған жоқ.
Соған қарамастан, жарияланым қоғамда үлкен резонанс тудырып, қатаң пікірталасқа себеп болды.
Комментарийлерде қазақстандықтар ашу-ызасын білдіруде — әсіресе ер адамның сырт келбетіне байланысты.
Қолданушылар оның бойының ұзындығы мен мықты дене бітіміне назар аударып, мұндай ірі денелі, ересек адамның жасөспірімге пышақпен қалай шабуыл жасағанын түсіне алмай отыр.
Кейбір пікір жазушылар Талғар ісіне қатысы бар делінген адамдардың басқа да зорлық-зомбылық әрекеттеріне қатысы болғанын еске түсіре бастады.
Пікірде бір әйел бұл адамның өз ұлы – Дамир Қалғұловты өлтіргенін жазды. Басқа қолданушылар оны қолдап, бұл оқиғаны «жақсы естерінде сақтап қалғандарын» және «ешқашан ұмытпайтындарын» айтты.
— Қылмыстық құқық бұзушылыққа қатысқаны үшін жауапкершілік заңнан алынған жоқ, — дейді қазақстандық адвокат Мұрат Адам.
Ол Қылмыстық кодексте қатысушылардың түрлері мен нысандары нақты көрсетілгенін еске салды.
Әрқайсысы да қылмысқа қатысқаны үшін қылмыстық жауапкершілікке тартылып, сот алдында жауап беруі тиіс екенін айтты.
