Туризм және спорт министрі Ербол Мырзабосынов «Қызылжар» футбол клубындағы жанжал мен бас бапкер Әли Әлиевтің 10 миллион теңгелік жалақысы туралы не ойлайтынын айтты, деп хабарлайды Alash.KZ.
Жауап қысқа болды:
«Федерация бапкер Алиевтің әрекеті заңды деп есептейді. Еңбек инспекциясы келісімшартты заңды деп таныды, Алиев кассациялық шағым түсіріп жатыр. Қазірше біз осылай ғана жауап бере аламыз. Әзірге нақты ұстанымымыз жоқ».
Баспасөз мәслихатынан кейін министр мынадай пікір қосты:
«Еңбекақы қорын клубтың өзі белгілейді, бірақ бұл жағдайда құқық қорғау органдары мен жергілікті әкімдік тексеріс жүргізіп жатыр. Қазақстан футбол федерациясымен бірлескен тексеруден кейін толық ақпарат береміз».
Мырзабосыновтың айтуынша, жаңа заңнамада мұндай көлемдегі жалақылар (Әли Әлиевтікі сияқты) қарастырылмаған.
«Бұрын футболшылар әртүрлі сомада жалақы алса, енді заң бойынша бюджеттен бөлінетін қаражат екі миллион теңгеден аспауы тиіс. Қалған қаражатты клубтар жеке көздерден табуы керек».
Сот процесі басшылық ауысқаннан кейін басталды. Әли Әлиев 2023 жылдың 1 маусымынан бастап бас бапкер қызметін атқарған.
Алғашында оған 6,5 миллион теңгеге келісімшарт ұсынылған. Алты айдан кейін жаңа келісім жасалып, жалақысы 10 миллион теңгеге дейін өскен.
