Әзірбайжанның Ағстафа ауданына қарасты Ашагы Гёйджали ауылында үйлену тойы кезінде екі жасар қызды ұрлау оқиғасына байланысты жаңа мәліметтер пайда болды, деп хабарлайды ALASH.KZ.
Бүлдіршіннің әжесі 57 жастағы Тельман Омаровтың қызды түстен бастап аңдығанын айтқан.
Кешкі уақытта ол қызға бір манат ұсынып, ақшаға қызыққан сәтінде оны көлікке отырғызып, алып кеткен.
— Біз тамақ алып келуге шыққанбыз. Сол сәтте ол қыздың жалғыз қалғанын пайдаланып, алдап алып кеткен. Абырой болғанда, үйдің жанында тұрған ауыл тұрғыны бұл жағдайды көріп, бізге хабар берді. Осылайша ұрлаған адамның Тельман екенін білдік, — деді әжесі.
Еске салайық, оқиға 19 сәуір күні болған. Тельман Омаров қызды үйлену тойынан ұрлап, өз үйіне апарған. Белгілі болғандай, ол қызды іздеп келген ата-анасына итті айтақтатуға да тырысқан.
Сондай-ақ ер адамның мас күйінде болғаны хабарланды. Қазіргі таңда ол полиция қызметкерлері тарапынан ұсталды, ал қыз отбасына қайтарылды.
