Ақтөбе облысының қылмыстық істер жөніндегі мамандандырылған ауданаралық сотында қос бүлдіршіннің өліміне қатысты іс басталды. Сотта алдын ала тыңдау өтті, деп хабарлайды Alash.KZ порталы.
Іс бойынша 29 жастағы күдікті өзінің қасақана іс-әрекетімен ҚР Қылмыстық кодекстің 99-бабы 3-бөлігінде («Адам өлтіру») көрсетілген қылмысты жасады деп айыпталды.
Қайғылы оқиға 2025 жылдың 23 наурыз айында болды. 11 айлық қызын және 3 жастағы ұлын тұншықтырып өлтіргенін әйелдің өзі айтып берген. Күдікті факт болғанға дейін Атырау облысының Сағыз ауылында тұрған.
Сотқа жәбірленуші ретінде әйелдің күйеуі, балалардың әкесі келді.
Сотталушы 1996 жылы Байғанин ауданында туған. Білімі жоғары. Қ.Жұбанов атындағы АӨУ-ін бітірген. Атырау облысының Сағыз ауылында информатика пәнінен сабақ берген, сол жерден декреттік демалысқа шыққан. Соңғы жылдары бала күтімімен үйде отырған.
Айта кетейік, оқиға биыл 23 наурыз күні Ақтөбе облысы Мұғалжар ауданы Қандыағаш қаласында болды. 29 жастағы әйел 2022 жылғы ұлы мен 2024 жылғы қызын тұншықтырып өлтірген.
