Алматыда терезеден құлап кеткен марқұм Ақнәрдің пәтерде бірге болған құрбысы Руслан Өтепбайға сұхбат берді, деп хабарлайды ALASH.KZ.
Бұл туралы Руслан Өтепбайдың жеке you tube арнасында жарияланды.
Құрбысы Дидар, Қытай халық азаматы, қандас, ұлты қазақ.
“Түрімді халыққа көрсеткім келмейді. Жаман хаттар келіп жатыр. Қорқамын. “Сені өлтіремін, үйіңді өртеймін” деген қорқытулар келіп жатыр.
Істің басталғанына 10 ай уақыт болды. Мен ақпын. Полицияға сендім, заңға сендім. Резонанс болмаса, сұхбатты да бермес едім. Ақнәрмен 4 жылдан бері араласамын. 2021 жылы Ақнәр екеуміз KIMEP университетінің жатақханасында бірге жаттық. Ранамен де сол уақыттан бері араласамын. Біз құрбымыз. Менің толық жасым 25-те. Рана 21 жаста, Ақнәр 23 жаста. Мен оларға жиі ақыл айтатын едім, түзу тұрмыс кешейік деп айтатынмын. Сабақтан бөлек, біз күнде тамақтанып, бос уақытымызды бірге өткізетін едік.
Оқиға болған күні мен ЖК Amir-дегі пәтерімде болдым. Ақнәр өзі маған хабарласып, “Рананың анасы қайтыс болды, қара шай берейік” деді. Қара шай бердік.
Кейін Ақнәр келесі күні тағы хабарласып, бірге жиналайық деді. Ақнәр сол күні алкаголь ішкісі келді. Мен іше алмайтынымды айттым. Бірақ тек сыра ішетінімді айттым.
Қыздар келмес бұрын, бір сағат бұрын үйде менің күйеуім болды. Аты Данияр. Азаматтық некедеміз. Кейін ол кетіп қалды.
Сыраға заказ бердік. Рана іше алмайтынын айтты, Ақнәр маған тапсырыс бере берші деп өтінді. 4 сағат әңгіме айтып, тамақтандық. Залға кіріп, өлең қойып, биледік, үшеуміз де 4 бөтелке сыра іштік. Жағдайымыз қалыпты болды. Ақнәр да 1,2 бөтелке ішті. Экспертизада “Ақнәр алкоголь ішпед деп тұрса да, ол ішті. Өз көзіммен көрдім.
Сағат түнгі 1 ден 45 минут кеткенде теледидарды сындырып тастады. Кейін Ақнәр жылады. “Басымда көп қарыз бар, мен саған ақша төлей алмаймын” деп жылады. Ол 2 миллион қарызы барын баяндады. Қойныма отырғызып, жұбатып, жатқыздым. 10 минуттан кейін өзін-өзі ұрып жылады. Қатты жылады, айхайлады. Екеумізді Ақнәр ұрды. Шок болдық. Жұбаттық. Бізді қасына жолатқызбады. Бізді шапалақпен ұрды, қорықтық. Біз оны мүлдем ұрмадық. Кейін Ақнәр бастап Рананың анасын балағаттады. Өте көп жаман сөз айтып кетті. Кейін намаз оқыды, қайтадан боқауыз айтты.
Кейін әлеуметтік желіде таралып кеткен видео көрсетіліп, анықтама берілді.
“Себебі Ақнәр өзін-өзі ұрып, қатты айхайлап кетті.
Сұхбат кезінде Дидардың телефонынан екінші видео көрсетілді. Бұл жерде Ақнәр кәлимасын айтып жатыр.
Ақнәр терезеден құлаған сәтте қараңғы болды. Далаға шыққан кезде бірден көзім тырнаққа түсті. Далада жатыр. Тергеушілер өзінің жұмысын дұрыс істемеген. Ол терезеден бетпен құлады. Сол кезде тырнағы сынған болар. Видеоларды мен өз телефоныммен түсірдім. Ақнәрдің әпкесіне жібердім.
Кейін сұхбатта желіде таралған аудиожазбалар жарияланды.
Ақнәр Рананы тістеп, шашын жұлып, өлтіруге шақ қалды. Сол кезде Ақнәрдің әпкесіне адресті жолдап, тез келуін сұрадым. Ол кездегі видеоларды түсіре алмадым. Қорықтым. Оларды ажыратып жаттым. Кейін 02:43-те жедел-жәрдемге хабарластым, сақшы жіберіңіздер дедім.
