Танымал әзілкеш Тұрсынбек Қабатовтың жұбайы Мөлдір Мұқанова алғаш рет жеке өміріндегі ауыр сәттерімен бөлісті, деп жазады Alash.KZ.
Almaty.Official мәліметінше, өнер иесі көпшілік алдында көз жасын тыя алмады.
«Мөлдірдің бұл көз жасы — жай кадр емес, бұл — жылдар бойы жиналған сырдың бір ғана тамшысы», — деп жазылған парақшасында.
Мөлдірдің еңіреп жылап отырған сәті бейнеленген видео әлеуметтік желіде кеңінен таралып, жұрттың қызу талқысына түсті. Бейнежазбада кадр сыртындағы дауыс оны жұбатып жатыр:
«Жаным-ау, “всем назло” деген сөз бар ғой. Сен әлі жарқырайсың, бәрі жақсы болады. Жыламашы, өзіңмен қоса мені де жылаттың. Қиын екенін білемін, бірақ Алла бәрін орнына келтіреді», – дейді дауыс.
Бұл сәт көпшілікті бейжай қалдырмады — пікірлер қарша жауды:
— «Қанша жыл бірге тұрып, бәрін бірге өткеріп еді… Соңында басқа әйелге кетті дегенің — сатқындық қой» — «Фильм алдындағы әдейі жасалған пиар шығар» — «Мөлдір, сен әдемісің, ондай адам сенің көзіңнің жасына да тұрмайды».
Желіде тараған видео көптің жүрегін қозғап, әркім әртүрлі пікір қалдырды. Бірі — қолдаса, бірі — күмәнмен қарауда.
