Павлодардағы зират маңы жұртты шошытты. Бұл туралы Zhaloby_pavlodar парақшасында жарияланды, деп хабарлайды ALASH.KZ.
Оқырман шағымын жазып, зират маңын қалай реттеуге болатынын сұрады.
Сәлеметсіз бе! Бүгін туыстарымыздың бейіттеріне бару үшін Пахомов зиратына бардық. Көргенімізден шошып қайттық. Мазарлардың жанында үйсіздер тұрақтап алыпты: айнала қоқысқа толған; шашылған заттар, кілемдер, жуынатын құралдар, тамақ қалдықтары, ойыншықтар және тағы басқалары бар. Өз жақындарымыздың бейіті маңын тазалап алдық, бірақ барлық қоқысты қолмен шығару мүмкін емес – өте көп. Зират әкімшілігіне жолыққан едік, олар бізге: «үйсіздердің жасағанын білеміз, полиция келді, бірақ оларды «ұстап алу» мүмкін болмай тұр…» деп жауап берді.МОсыған байланысты сұрақ туындайды: мұндай жағдайда қайда жүгіну керек? Биыл Ұлы Отан соғысының 80 жылдығы атап өтіледі, ал зираттағы ардагерлердің бейіттері мүшкіл жағдайда тұр,-деді ол.
