Қазақстандық шахматшы Әлем кубогында чемпионмен бәсекеге түсіп, сенсациялық жеңіске жетті, деп хабарлайды Alash.kz.
Грузияның Батуми қаласында өтіп жатқан шахматтан әйелдер арасындағы Әлем кубогында сенсациялық нәтиже тіркелді. Қазақстандық Меруерт Камалиденова 1/32 финалда турнирдің фавориті, рейтингте 6-орында тұрған ресейлік Александра Горячкинамен ойында жеңіске жетті.
Әлемнің 107 мықты шахматшысы қатысып жатқан жарыста әр ойыншы қарсыласымен классикалық форматта екі партия ойнайды. Қос партия нәтижесінде жеңімпаз анықталады.
Айта кетейік, Камалиденова қазіргі таңда әлемдік рейтингте 59-орында тұр. Енді ол ертең қара фигурамен екінші партиясын өткізеді.
Меруертке сәттілік серік болсын дейміз!
