Әзербайжанның Саатлы ауданында марқұмды еске алу рәсімдеріндегі құдайы астарды ұйымдастыру тәртібі түбегейлі өзгерді, деп хабарлайды Alash.kz.
Қайғылы жағдайда туыстарын жоғалтқан отбасы үшін қонақ қарсы алу, дастарқан жаю – үлкен моральдық әрі материалдық жүк. Асыра сілтеу, бірнеше түрлі тағам әзірлеу, арнайы асхана жалдап, көп адам жинау – бәрі бір сәтте қайғының өзін ұмыттырып, рәсімді жарысқа айналдырып жібергендей көрінеді. Oxu.Az басылымының жазуынша, осы өрескел үрдісті үзу үшін жаңа шешім жергілікті ақсақалдардың бастамасымен қабылданған. Аудан тұрғындары бұл жаңалықты біршама таңданыспен қабылдағанымен, көпшілік оны оң өзгеріс ретінде бағалап отыр.
Жаңа ереже бойынша, енді марқұмды еске алу жиындарында мол дастарқан жайылмайды, тек қарапайым шай ұсынылады. Бұрынғыдай бірнеше түрлі тамақ әзірлеп, көп адам жинап, даяшы жалдап, мол шығынға бату түбегейлі тоқтатылды.
Біздің елде де астатөк дастархан жаюдан бастарту мәселесі көтеріліп келеді. Тіпті, кей облыстарда құран оқылатын жиындарда тағайындалатын арнайы мәзірлер бекітілген. Бауырлас елдегідей тамақтан толықтай тыймаса да, белгілі норма тары-шелпекпен шектеледі.
