Астана қаласында электросамокат мінген жасөспірім қапыда көлік астында қалды, деп жазады Alash.kz.
Астана қалалық Полиция департаментінің мәліметінше, жасөспірімді Kia маркалы көлік жүргізушісі қаққан. Жол-көлік оқиғасы Нажімеденов көшесі мен Тәуелсіздік даңғылының қиылысында болған. Сол сәтте жасөспірім электросамокатпен жолды арнайы белгіленген жерден кесіп өтпек болған.
Жол апаты салдарынан зардап шеккен бала жедел жәрдем көлігімен ауруханаға жеткізілді. Қазіргі уақытта тексеру жүргізіліп жатыр.
