Әлемге әйгілі әнші, Қазақстанның Халық Әртісі Димаш Құдайбергеннің шаңырағында қарындасы Раушанның құдалығы өтті, деп жазады Alash.kz.
Екі жастың мерейі үшін бас қосқан қос тарап ерекше стильдегі құдалық салтанатына куә болды. Бұған дейін сәуір айында Шымқалалық құдалар Раушанға сырға салу рәсімін өткізген еді.
Құдайбергеновтер отбасының этно-стильдегі аспан-көк көйлегімен үйлесім тапқан ұлттық кәде-жауһарларға елдің ықыласы мен ақжарма тілегі толастар емес:
Қандай қарапайым, үлгілі отбасы! Екі жасқа бармақтай бақ берсін!
Света ханым жарады. Әдемі көйлегіне ақ жаулығы тамаша жарасып тұр!
Айта кетейік, төрткүл дүние таңдай қаққан әншінің қарындасының таңдауы Астана қаласы Музыкалық жас көрермен театрының актері Ермахан Аймахан есімді жігітке түскен.
