1 тамызға қараған түні поп-музыканың ханшайымы Дженнифер Лопес алғаш рет Қазақстанға табан тіреді, деп хабарлайды Alash.kz.
Әлемдік шоу-бизнес жұлдызы мінген жеке ұшақ түнгі сағат 3 шамасында елордалық әуежайға қонды. Әуежай баспасөз қызметі жұлдыздың келген сәтінен бейнекадрлар жариялады.
Айта кетейік, бүгін Астанада Дженнифер Лопестің Қазақстандағы алғашқы концерті өтеді. Әншінің екінші концерті 10 тамызға жоспарланған. Шоу Алматы қаласында ұйымдастырылады.
