Блогер Аслан Төлегенов («Солтүстік қазақ») әлеуметтік және ұлттық алауыздықты қоздырды деген күдікпен қылмыстық жауапкершілікке тартылды, деп жазады Alash.KZ.
Қылмыстық іс ҚР ҚК-нің 174-бабы бойынша қозғалып, тергеуді Ұлттық қауіпсіздік комитеті жүргізуде.
Қауіпсіздік органдарының мәліметінше, сот Төлегеновті екі айға қамауға алу туралы санкция берген.
Бұған дейін, 18 шілдеде Көкшетау қалалық әкімшілік соты блогерге бейәдеп сөздер қолданғаны үшін 10 тәулікке әкімшілік қамау жазасын кескен болатын.
Сот отырысында ол кінәні ішінара мойындап, қорғаушысы Т. Бабич құқық бұзушылық құрамының болмауына байланысты істі тоқтатуды, ал егер кінәсі дәлелденсе – ең жеңіл жаза қолдануды сұрады.
Төлегенов Қазақстандағы «русофобиямен күресуші» ретінде танымал.
