Қызылорда облысында «Таң-Құмкөл» бағытында ұшқан ұшақ бортындағы адамдар 8 сағаттық іздеу жұмыстарынан кейін айдаладан табылды, деп жазады Alash.KZ.
Бұл туралы ҚР Төтенше жағдайлар министрлігі мәлімдеді.
Кеше ТЖМ кезекші бөліміне Қызылорда облысында «Таң-Құмкөл» бағытында ұшқан бортында 3 адам бар АН-2 ұшағы мәжбүрлі түрде жерге қонғаны туралы хабарлама келіп түсті. Олардың қайда екені белгісіз еді. Олармен байланыс болмады. Жедел іздестіруге ТЖМ барлық күштері мен құралдары тартылды. Сондай-ақ іздестіру жұмыстарын жүргізу үшін ҚР ТЖМ «Қазавиақұтқару» АҚ тікұшағы жұмылдырылды. Іздестіру тобының жедел және үйлесімді іс-қимылдарының арқасында 8 сағаттан кейін түнде жоғалғандар ай даладан табылып, Қызылорда облысы Сырдария ауданы Тереңөзек кентіне жеткізілді
– делінген ТЖМ хабарламасында.
Табылған адамдар медициналық көмекке мұқтаж болмаған. Қазіргі таңда жағдайлары жақсы.
