Алматы қалалық полиция департаментінің мәліметінше, Ілияс Сариев ірі көлемдегі алаяқтық жасады деген күдікке ілінген, деп жазады Alash.KZ.
Қазіргі уақытта 30-дан астам адам жәбірленуші ретінде танылған. Сариев қамауда отыр.
Ол халықтан ем-домға деп қаражат жинап, науқастардың отбасыларына бұл ақшаны бермеген.
"Қазақтың Робин Гуды" деп танылған блогер "Елге көмек" қайырымдылық қорының басшысы. Шын есімі Ілияс Сариев. Оның үстінен бірнеше адам шағым түсірген. Сосын ол ұсталып, қылмыстық іс қозғалды.
Ілияс Сариев желідегі парақшасында өзін "қазақтың Робин Гуды" деп таныстырады. Instagram парақшасында 600 мыңнан астам оқырманы бар. Ал "Елге көмек" қорының парақшасына 400 мың адам жазылған.
