Италия астанасы Римде Украина президенті Владимир Зеленский мен АҚШ президентінің арнайы өкілі Кит Келлог арасында кездесу басталды. Бұл туралы Укринформ агенттігі Telegram-арнасында хабарлады, деп жазады Alash.kz.
Агенттік мәліметінше, келіссөздер АҚШ президенті Дональд Трамптың Украинаға қосымша, негізінен қорғаныс бағытындағы қару-жарақ беруге уәде еткен кезеңінде өтіп жатыр.
Бұған дейін Зеленскийдің Римдегі Италия президентінің ресми резиденциясына барып, онымен келіссөздер жүргізетіні, содан кейін Келлогпен кездесетіні хабарланған еді.
Айта кетейік, 2025 жылғы 10 шілдеде Римде Италия премьер-министрі Джорджа Мелонидің жетекшілігімен Украина қалпына келтіру жөніндегі халықаралық конференция өтеді.
