Танымал "Экомед" клиникасының басшысы Салтанат Байқошқарованың сіңлісі Перизат Байқошқарова әлеуметтік желідегі парақшасында маңызды мәлімдеме жасады, деп жазады Alash.kz.
Ол “Колобок” лақап атымен танымал блогер Елдос жайлы жаңалыққа байланысты өз пікірін білдіріп, клиника мен әпкесінің еңбегін атап өтуді ұмытпауды сұрады.
Оның айтуынша, елімізге ЭКО әдісін алғаш алып келіп, ұрығы жоқ ер адамдарға көмектесетін заманауи микроскопты енгізген – дәл осы Салтанат Байқошқарова. Сол аппараттың арқасында Елдосқа ота жасалып, оң нәтиже берген.
"Елдос "Колобок" балалы болады деп айтып жатыр ғой жұрттың бәрі. Мұндай отбасыларды ажырасудан сақтап, балалы бола алмай жүргенде көмектесіп жүрген, бірден бір еңбегі бар бұл менің әпкем - Салтанат Байқошқарова. Мұндай аппаратты іздеп, тауып, сол ғылымды өркендетіп жатқан, барлық дүниенің артында тұрған сол кісі. Соны біле жүріңіздер. Күнделікті бізде мұндай жағдай бірінші рет емес қой Елдос Колобок сияқты. Ұрығы жоқ ер адамдар көп бізде. 100 отбасы болса, соның елуінде әйел адам, елуінде ер адам бедеу болып келеді. Сондықтан бұл Экомедте күнделікті жасалып жатқан операция", – деді ол.
Алайда бұл мәлімдеме желі қолданушылары арасында түрлі реакция тудырды. Көпшілік оның сөзінен реніш пен өкпе сезілетінін айтып, сын пікірлер қалдырды:
"Неге ренжіп айтып тұрсыз, алдымен Алланың қалауы және содан кейін Экомед клиникасы. Ол кісіні әрине білетіндер бар. Клиниканы Таншолпанның өзі де нүкте қойып тұрып айтып отыр ғой".
"Ең бірінші – Алланың қалауымен болған жағдай ғой".
"Салтанаттың аты қосып аталмады деген реніш па?"
"Мына кісінің сөз саптауы зілді екен, Салтанат Байқошқарова ханымды не істеп, не жасағанын бүкіл қазақ біледі".
