Қалың көпшілікке «Елдос Колобок» деген лақап атпен танылған блогер, әзілкеш, асаба Елдос Кәдірхановтың әке атанатыны жайлы қуанышты хабар желіде тарады. Жас отбасының қуанышына белгілі тележүргізуші, «Мәриям» қорының негізін қалаушы Ләйлә Сұлтанқызы себепкер болған, деп жазады Alash.kz ұлттық порталы.
"Мен ғана емес, халық болып бұл күнді жылдар бойы асыға күттік. Алланың мейірімі шексіз! "Мариям" қорының қосқан үлесі де зор. Қорымыз жұмысын бастай сала, қарапайым отбасылардан бөлек, бала сүйе алмай жүрген танымал жұптарға да кеңес беріп, көмектескім келді. Өзіміз кішігірім тізім жасаған едік... Ішінде Елдос пен әйелі де болды. Әйеліне өзім жаздым. Байланыстық, бірақ бірден іске кірісе алмадық. Әбден созылып кетті. Себебі оларда бәлкім сенімсіздік те болған шығар... Араға қаншама ай салып өздері байланысқа шықты.
Ешкімге көрсетпей, клиниканың артқы есігінен кіргізіп, барынша құпия сақтап, қанша ай отаға, эмбрион тасымалына, жүктілікке дайындалдық. Бірақ өкінішке қарай біріншісі сәтсіз аяқталды. Бұл мүлде бөлек сезім. Жаратқанға шүкір осындай қуанышқа мені де себепші қылып қойған", - деді Ләйлә Сұлтанқызы.
