2025 жылғы 8 шілдеде АҚШ президенті Дональд Трамп Ресей басшысы Владимир Путинге қатысты қатаң мәлімдеме жасады, деп Alash.kz тілшісі The Guardian басылымына сілтеме жасап хабарлайды.
Трамптың айтуынша, ол Ресей диктаторы Путиннің әрекетіне "наразы" екенін ашық мәлімдеді және Ресейдің Украинаға қарсы соғыс жүргізу барысында апта сайын 7 мыңға жуық сарбазынан айырылып жатқанын жеткізді.
"Путинге көңіліміз толмайды. Менің көңілім толмайды. Мен мұны қазір-ақ айтамын. Себебі – ол көп адамды өлтіріп жатыр. Өлгендердің дені – өзінің сарбаздары. Апта сайын 7 мыңға жуық адам өліп жатыр", – деді Трамп.
Журналистер оның Путинге қатысты қандай нақты әрекет жасайтынын сұрағанда, Трамп егжей-тегжейлі жауап беруден бас тартты:
"Біз Владимир Путиннің аузынан көп мәрте бос былшылды естідік. Айтқанының бәрі өтірік. Рас, ол әдемі сөйлейді. Бірақ, сөзінің бір мәні жоқ. Ал украиндер нағыз ержүрек екен. Олар керемет соғысуда және ерліктің шын үлгісін көрсетуде. Оған біздің де үлесіміз көп. Біз Украинаға көп қару бердік. Путин "3-4 күнде жеңемін" деген оймен соғыс бастаған болар. Бірақ, біз дер кезінде жеткілікті қылып қару бердік. Жавелиндерді айтыңыз, оны мен бергіздім. Бұл деген мықты қару. Біз басқа да қарулардың бердік", – деді ол.
Трамп Ресейге санкция салуды жоспарлап жатқанын БАҚ жазды.
