Алматы қаласында мүгедек қарияны өз ұлының көшеде ұрып жатқан сәті бейнежазбаға түсіп, желі қолданушыларының ызасын келтірді, деп хабарлайды Alash.kz.
Оқиға Райымбек даңғылы мен Розыбакиев көшесінің қиылысында болған. Видеода ер адамның қарт әкесін бірнеше рет соққыға жыққаны және балағат сөздер айтқаны көрінеді.
Куәгерлердің сөзінше, жанындағы адамдар ескерту жасағанымен, ол өз әрекетін тоқтатпаған.
Қоғамда үлкен резонанс тудырған бұл жағдайға байланысты қала тұрғындары Алматы қалалық полиция департаментінен шұғыл әрекет етуді, оқиғаға құқықтық баға беріп, жауапты тұлғаға заң аясында қатаң шара қолдануды талап етуде.
