АҚШ-тың Теннесси штатындағы Таллахома өңірлік әуежайынан ұшқан ұшақ апатқа ұшырады, бортта 20 жолаушы болған. Бұл туралы ALASH.KZ хабарлайды.
Штаттың жол полициясының мәліметінше, зардап шеккендердің бір бөлігі медициналық тікұшақтармен жергілікті ауруханаларға жеткізілген, қалғандарына оқиға орнында алғашқы медициналық көмек көрсетіліп жатыр.
Жараланғандар саны нақты белгісіз.
АҚШ-тың Федералды азаматтық авиация басқармасының (FAA) мәліметінше, de Havilland Canada DHC-6 Twin Otter үлгісіндегі ұшақ әуеге көтерілгеннен көп ұзамай апатқа ұшырап, Олд-Шелбивилл-роуд маңына құлаған.
Қалалық әкімшілік өкілі Лайл Расселдің айтуынша, апаттан ешкім қаза таппаған.
Басқа мәліметтер әзірге жария етілмеді.
