Әлеуметтік желіде Димаш Құдайбергеннің қарындасы Раушанның ұзату тойының тәрбиелік мәнінің зор екеніне тәнті болды, деп хабарлайды Alash.kz.
Шынар Құрманғали есімді Facebook қолданушысы Димаш Құдайбергеннің шаңырағында өткен тойдан елдің алары мол екенін атап айтты. Қоғам белсендісі жаңа форматтағы ұлттық құндылықтарды дәріптеген қыз ұзатуды “көпке үлгі” деп атады.
Сәкен ағамыздың тойы әншілердің концерті секілді өткен еді. Әрқайсысы кезекке тұрып ән айтқандай болды.Ал Раушанның тойы кәдімгі ұлттық салт-дәстүрімізді дәріптейтін, тәрбиеге толы той болғанға ұқсайды.Жастарға нені көрсетуді, не үйретуді біле жүрген дұрыс қой.Той — тек шоу үшін емес, ұлттың тәрбиесін көрсететін орта. Раушанның тойынан кейін көп адам: осындай той жасаймын деп ойланған шығар. Мен де түртіп алдым өзіме.Өйткені тойдан кейін керемет ой мен әсер қалдыру — нағыз жеңіс!Осындай тойларды тікелей эфирдан көрсек жарасымды емес пе?
