Камчатка түбегінде соңғы рет шамамен 500 жыл бұрын атқылаған Крашенинников жанартауы оянып, атқылай бастады, деп жазады Alash.kz.
Ғалымдардың мәліметінше, Крашенинников жанартауы соңғы рет XV ғасырдың ортасында, яғни 460 жыл бұрын атқылаған. Бұл туралы Ресей Ғылым академиясының Қиыр Шығыс бөлімшесіне қарасты Вулканология және сейсмология институтының Камчатка жанартау атқылауына жедел әрекет ету тобы (KVERT) хабарлады.
Жанартаудың атқылауы 3 тамыз күні таңғы 04:50-де (Астана уақытымен 2 тамыз күні 21:50-де) басталды. Алғашқы кезеңде ол 3-4 шақырым биіктікке дейін түтін шығарған. Айта кетейік, жанартаудың өз биіктігі 2 шақырымға да жетпейді.
Кейіннен түтіннің биіктігі 5-6 шақырымға дейін жетіп, Кроноцкий қорығының кей аумақтары түтін қабатымен жабылды.
Мамандар жанартаудың белсенділігі төмен биіктікте ұшатын ұшақтарға әсер етуі мүмкін екенін айтып отыр.
Сонымен қатар, институт мамандары Камчаткадағы Ключевской жанартауының да атқылауы күшейгенін мәлімдеді. Қазір лаваның ұзындығы оңтүстік-батыс беткейі бойынша 2,7 шақырымға жетіп отыр.
