"АҚШ Ресеймен ядролық соғысқа дайын", - деді АҚШ президенті Дональд Трамп Ресей Қауіпсіздік Кеңесі төрағасының орынбасары Дмитрий Медведевтің сөздеріне жауап ретінде. Бұл жайлы Alash.kz жазды.
"Ол ядролық қару туралы айтты. Ал ядролық қаруға келетін болсақ, біз толығымен дайынбыз", — деді Трамп журналистерге.
Бұл сөздер Sky News эфирінде айтылды.
1 тамызда кешке Трамп Ресей Қауіпсіздік Кеңесінің орынбасары Дмитрий Медведевтің мәлімдемесіне байланысты екі атомдық сүңгуір қайықты "тиісті аймақтарға" орналастыруға бұйрық бергенін хабарлады. Трамп мұндай шешімді "абайсызда және арандатушылық сөздер басым" деп қабылдағанын түсіндірді.
Еске сала кетейік, Медведев бұған дейін телеграм-каналда АҚШ президентін ультиматум мерзімінің қысқаруына байланысты сынға алған болатын.
