Жақында ғана қызметінен босаған мектеп директоры Ақмоншақ Нұртазақызы Ләйлә Сұлтанқызына берген сұхбатында отбасылық өмірдегі қиыншылықтар туралы айтып берді, деп хабарлайды Alash.kz.
Аталмыш сұхбатты экс-директор өзінің балаларымен бірге отырып берген. Үлгілі ұстаз алғаш үйленген жылдарда қаржылық қысымнан қалай өткендері туралы ағынан жарылды:
Қызымды босанып келгеннен кейін жазғы саяжайда тұрдық. Күндіз жұмыс істеймін. Кешке магистратурада оқимын. Жағдай жасалмаған. Қыстыгүні балалар күртешемен ұйықтайтын. Бұл туралы мен ешкімге айтпағанмын. Көп адамдар айтып жатады. “Ой, байдың әйелі! Бір көкесі бар шығар!” деп. Әкімшілікте жұмыс істеймін алтыға дейін. Кешкі сағат жетіден тоғызға дейін сабақ болады. Үйге келемін. Күртешемен отырады. Пеш жағамыз. Жолдасым түнгі сменге кетеді. Такси болады. Сосын екеуміз ауысып тұрамыз. Түнімен пеш жағып шығамын. Ұйықтамаймын…
