Әлеуметтік желіде “мешітте бір реттік некеге ұсыныс алдым” деген Эманнуелла Наурызбаеваның өзіне көрсетіліп жатқан қысым туралы посты көпшіліктің назарын аударды, деп хабарлайды Alash.kz ұлттық порталы.
Бойжеткеннің айтуынша, оны қолдаудың орнына шабуыл мен қысым күшейе түскен.
Эманнуелла мешіттегі оқиғадан бері аңду мен қорқытулар жалғасып жатқанын ашық жазды. Желі қолданушылары арасында жазбаны қолдағандар да, “показуха” деп айыптағандар да табылды. Алайда Эммануэлланың өзі үнсіз қалуға ниетті емес екенін нақты айтты:
Мен — Эммануэлла. Бұл — менің жан айқайым.
Бұл — менің дауысым. Ал сіздер оны өшіргілеріңіз келеді.
Мен шындықты айттым. Ашық, тік, шынайы түрде. Бірақ, маған сенген жоқ.
Себебі, мен — әйелмін.
Мен дау іздеген жоқпын. Хайп қуған жоқпын.
Мен тек өзімді, өзге әйелдерді, балаларымызды қорғағым келді.
Мен видеоны қаралым үшін емес, дәлел болу үшін түсірдім. Мешітте маған тиіскенін дәлелдеу үшін.
Мен көпшілік қорғайды деп сендім.
Бірақ оның орнына маған шабуыл жасалды.
Алдымен — имам, кейін — мешіттегі басқа ер адамдар.
Содан бері мені аңдып, қорқытып, үркітіп келеді.
Олар мені үнсіз қалдыруды қалайды.
Мен бұл дабылды тек өзім үшін қағып отырған жоқпын.
Мен дауысымды әйелдер үшін, айқайлай алмайтындар үшін көтеріп отырмын.
Бұл — хайп емес.
Бұл — ар-намыс, өмір және шындық үшін күрес.
Ал сіздер мұны “показуха” дейсіздер ме?
Сіздер есітеріңізден адастыңыздар ма?
Ар-ұят қайда? Иман қайда?
Неге әйелдің сөйлеуге құқығы жоқ?
Неге үнемі бізді кінәлайды?
Мен шындықты айттым.
Ал енді мешіттегі ер адамдар тобы мені жазаламақшы.
Олар мені аңдиды, қорқытады.
Бірақ біліңіздер! Мен қорықпаймын. Мен — Эммануэлла.
Мен сіздерге әйелдің қадір-қасиетін аяққа таптатуға жол бермеймін.
Кімсіздер өзгенің қайда болу керегін, қалай өмір сүру керегін айтатын?!
Айта кетейік, Эммануелла Наурызбаеваға Ақтөбедегі “Нұр Ғасыр” мешітінде белгісіз ер адам “бір реттік неке” ұсынып, әлеуметтік желіде қызу талқыға түсті.
