Сабина Мовлаева YouTube-тегі “Мамский әңгіме” подкастында экс-жұбайымен басынан өткен оқиғасын айтып берді, деп хабарлайды Alash.kz.
Блогердің айтуынша, экс-жолдасы ажырасқан соң, жарты жылдан кейін жаңа отбасы құрған. Бұл жағдай блогерге оңай тимеген:
“Жақында қызымның әкесіне өзім хабарластым. “Қызыңды көрші” деп өтіндім. Ажырасқанымызға үш жыл өтті. Сол жылдарда қызына көмектескен емес. Бірақ өте жақсы адам. Ол кісіні жамандағым келмейді. Біз ажырасқаннан кейін жарты жылдай келіп жүрді. Мен бір кеттім бе, мүлдем артыма қарамадым. Қырсықтығым мен бірбеткейлігім бар. Содан ол қырсығып қалды. Бәлкім, әдемі қоштасқанда қызымен араласып тұрар ма еді?! Қызым әкесін іздейді. Қазір қарым-қатынастары керемет болмағанымен, 2-3 айда бір рет сөйлесіп тұрады.
Күйеуімнің қазір отбасы бар. Ажырассам да, үш жарым жыл бірге өмір сүрдік. Шынымды айтсам, қиналдым. Жеті айдан кейін отбасын құрды. Сол кезде мен күйзеліске түстім. Екі құрбыма айтып, соларға шығарамын. Болды. Өзіме көңіл бөлдім. Ажырасқан сәтте “қызым есенше басқа адамға тұрмысқа шығам да, сол кісіні “папа” деп айтқызамын деген ой болған. Ол ойым қате екен. Екінші рет тұрмысқа асығып шыққым келмеді. Экс жолдасым өзімнен 14 жасқа үлкен. 21 жасымда 35 жастағы жігіттің етегінен ұстадым. Маған дейін отбасын құрып, ажырасып кеткен. Қазір өзім ажырасқан, жалғызбасты әйел болсам да, ажырасқан еркекке қарағым келмейді.”
