Шымкенттің қылмыстық істер жөніндегі мамандандырылған ауданаралық сотында қала әкімінің орынбасары Руслан Берденовке қастандық жасау ісі бойынша тыңдалым жалғасуда, деп Alash.kz ұлттық порталы Stan.kz сайтына сілтеме жасап хабарлайды.
Куәгер Талап Рахымбердиевтің сөзінше, Берденов мырзаның тапсырмасымен Жиембай әкімдікке презентациямен келуі керек болған. Алайда ол дайын болмай, принтерден шығарып алуға тырысқан. Киімі де ресми талапқа сай болмаған.
"Берденов мырзаның тапсырмасымен Жиембайды презентациясымен қабылдауға бір күн бұрын жеке шақырдық. Келді. Бірақ мекемесін таныстыруға презинтациясы дайын болмай, біздің принтерден шығарып алуға тырысты. Дайын емеспін деді. Одан басқа мекеме басшыларының барлығында слайд дайын болды. Ол бюджет бөлінгенде әзірленуі керек ақпараттар. Киім үлгісі де ресми үлгіде болмады. Әкімдікке келген соң ресми үлгіде костюм-шалбармен келу керек. Ол жейдемен келді. Берденов мырза әрдайым жиналыста айтатын: "Біз сендерге тексеріс кіргізгіземіз. Антикор, ДЭР, прокуратура. Мекеменің бәрін қабылдау алдында түгелдеу тексеріс жүргізу керек" дейтін. Екінші кездесу екі аптадан кейін болды. Ернардың қалауымен. Содан кейін түстен кейін маған хабарласты. Сөйлегені басқаша болды. "Русланға берші телефонды. Үйіне кетті ма? Үйіне барамын болмаса" деді. Меніңше, ішіп алған. Өз еркімен арыз жазсын деп жатыр бастық деген "Өлемін немесе оны өлтіремін деп айтты", – деп мәлімдеді ол.
