Бүгін Үкіметте өткен баспасөз мәслихатында Ғылым және жоғары білім министрі Саясат Нұрбек Әл-Фараби атындағы ҚазҰУ ректоратының 14-ші қабатынан секіріп, көз жұмған бірінші курс студентінің өліміне қатысты пікір білдірді, деп жазады Alash.kz ұлттық порталы.
"Жоғары оқу орнының басшылығы ата-анасына бірден хабарласып, проректорлар қолдау жасап, қаржылай да көмек көрсетіп, жаназасына қатысып шықты. Ата-анасымен тікелей байланыстамыз.
Сот шешімдері немесе қорытындылары шықпай тұрып, бұл отбасының ішкі трагедиясы болуы ықтимал деп ғана айта аламын. Менің мәліметім бойынша, "Өз-өзіне қол жұмсауға итермелеу" бабы бойынша іс қозғалады. Бұл университетке де, оқу үдерісіне де қатысты емес, отбасының ішкі жағдайы себеп болғанын нақты айтып отырмыз. Ресми ақпарат жақында жарияланады, күтейік», - деді Саясат Нұрбек.
