Танымал актер, режиссер Тұңғышбай Жаманқұлов әнші Әлішер Каримов туралы өз пікірін білдірді, деп хабарлайды Alash.kz.
Осы жылдың мамыр айында Әлішер Каримовке ҚР Халық әртісі атағы табысталған болатын. Аталмыш хабардан кейін қоғам арасында қызу талқы болды.
Тұңғышбай Жаманқұлов журналист Нұрсейіт Жылқышыбайға берген сұқбатында осы мәселе турасында өз пікірін білдірді.
"Әлішерге жаным ашыды. Әлішер жақсы жігіт, өте тәрбиелі, қыз мінезді, өзі Тараздың жігіті. Әкесін білемін, өзбек жігіті ғой. Бір кездері "мынау менің балам, сіз Тараздың адамысыз ғой, қарайлап жүріңіз" деген. Бірақ Халық әртісі атағын алған кезде мен де таңғалып қалдым. Өйткені ол әлі жас бала. Оның өзінен де көрмеймін, мүмкін ол сұрамаған да шығар. Мұны сол жоғарыдағы атақ беру жағынан айналысатын шенеуніктердің жасаған қателігі деп есептеймін", – деді Тұңғышбай Жаманқұлов.
