Қызылорда – Петропавл бағытындағы жолаушылар пойызында бойжеткенге азғындық әрекет жасамақ болған жолсерікке қатысты қылмыстық іс қозғалды.
Бұл туралы Ішкі істер министрлігі мәлімдеді, деп хабарлайды ALASH.KZ.
«Қазіргі уақытта Көліктегі полиция департаменті Қылмыстық кодекстің 120-бабы бойынша (зорлау әрекетіне оқталу) іс қозғады. Толыққанды тергеу амалдары жүргізіліп жатыр. Тергеу нәтижесіне сәйкес заңға сай процессуалдық шешім қабылданады. Жәбірленушінің барлық уәжі назарға алынып, тергеу барысында тыңдалады. Ал күдікті жолсеріктен ешқайда кетпеу туралы қолхат алынды. Қамауға алу үшін жеткілікті дәлелдер жиналуы қажет», – деді ҚР Ішкі істер министрінің орынбасары Санжар Әділов.
