Бостонның федералды соты президент Дональд Трамптың бұйрығына уақытша шектеу қойды. Өткен аптада Ақ үй билігі көне оқу орнын антисемитизмді қолдады деп айыптап, студенттермен алмасу бағдарламасын жүзеге асыруға мүмкіндік беретін сертификатты кері қайтаруды бұйырған болатын, деп жазады Alash.KZ.
Алайда, Гарвард басшылығы бұл шешіммен келіспей, Трамп әкімшілігіне қарсы сотқа шағым түсірген.
Аталмыш дау-дамайдан кейін АҚШ-та шетелдік студенттерге қысым көбейді. Әлем елдерінде студенттік виза бойынша сұхбат өткізуді уақытша тоқтатты.
Одан бөлек, қытай студенттерінің визасын жоя бастады. Ақ үй билігі мұның себебін ашып айтқан жоқ.
Естеріңізге сала кетейік, Гарвард университетінде «Болашақ» бағдарламасымен 7 қазақстандық студент оқып жатыр.
