Тележүргізуші, журналист Ләйлә Сұлтанқызы өзінің әлеуметтік желідегі парақшасында ажырасудың көп екендігін, оны қалай реттеу туралы айтты, деп хабарлайды ALASH.KZ.
Сұлтанқызының айтуынша, көп жастар шаңырақ көтергеніне бір жыл толмай ажырасып жатыр. Бұған тосқауыл ретінде үлкендердің ақылы, кеңесі ауадай қажео екендігін жазды.
«Екі жастың арасына есі кеткен түседі» Неге? Мүмкін басқа қырынан қарау керек шығар? Қанымызға сіңіп кеткен мысал ғой, бірақ тек негативті эмоциямен қабылдаймыз. Кеше осы мысалға қатысты тұрмыс құрмаған әріптесім қызық пікір білдірді. «Есі кеткен емес, есі дұрыс адам есті кеңеспен түсу керек. Ол екеуі де жас, отбасылық өмірге бейімделмеген, керсінше, ара-жігін ажыратып, бағыт беру керек. Мен мысалы, ертең ұрыста не істерімді білмеймін. Қырық-пышақ болғанша, бағыттайтын біреуді тыңдағаным дұрыс», - деді. Қызық. Жалпы өткен жылғы ресми статистика бойынша, ажырасудың 47,1 пайызы 1 жылға жетпей ажырасқандар. Үлкендер араласып, дұрыс кеңес берсе, сақтап қалар ма еді бәлкім…”,- деп жазды ол.
