Египетте қаза тапқан қазақ әйелінің ісі туралы тың дерек шықты. Бұл туралы Қазақстан Сыртқы істер министрлігінің ресми өкілі Айбек Смадияров мәлімдеді, деп хабарлайды ALASH.KZ.
Айбек Смадияров марқұмның денесі үйге қашан жеткізілгені туралы баяндады.
«Оқиғадан кейін біз Египет билігімен осы мәселені шындап талқыладық. Курорттар мен әуежайларда қазақстандық жолаушылардың қауіпсіздігі жоғары деңгейде қамтамасыз етілуін сұрадық. Өйткені Египет біздің туристер үшін танымал бағыттардың бірі», - дейді ол СІМ-де өткен брифингте.
Египет министрлігі қылмысты өз қарауына алған.
«Египет тарапы моралдық өтемақыны төлеуге тиіс болған. Ал марқұмның денесін елге жеткізу жағын біз толығымен сақтандыру компаниясымен пысықтадық. Сол себепті шетелге демалуға немесе басқа да мақсатпен баратын азаматтарда міндетті түрде сақтандыру полисі болуы керек»,- дейді министрліктің ресми өкілі.
