Таразда адвокат Нұрлан Байғазиев соққыға жығылды, деп хабарлайды ALASH.KZ.
Тараз қаласында Алматы облысы Іле аудандық мәслихатының депутаты әрі адвокат Нұрлан Байғазиевтің соққыға жығылуына байланысты сотқа дейінгі тергеу жүргізілуде. Оқиға ҚР Қылмыстық кодексінің 293-бабы 1-бөлігі – «Бұзақылық» бойынша саралануда.
Алдын ала мәлімет бойынша, шабуыл 13 мамыр күні кешкі уақытта қаладағы дәмханалардың бірінде болған.
Байғазиев Таразға клиенттерімен кездесу үшін келген. Әлеуметтік желілерде оған кастет қолданылғаны туралы ақпарат тараған.
Жәбірленушіге медициналық көмек көрсетілді. Алған жарақатына қарамастан, бастапқыда ол ауруханаға жатудан бас тартқан. Кейінірек зардап шеккен адамның бет сүйектері сынғаны анықталып, оған ота жасалатыны хабарланды.
Оқиғаға қатысы бар тұлға анықталып, полицияға жеткізілді. Тергеу амалдары жүргізіліп жатыр.
