Астанада мемлекеттік рәміздер күні дүниеге келген сәбилердің ата-аналарына сыйлықтар табысталды, деп хабарлайды ALASH.KZ.
Астанада мемлекеттік рәміздер күні өмірге келген нәрестелердің ата-аналарына сыйлықтар табысталған салтанатты шара өтті.
Іс-шара елордалық №3 перинаталдық орталықта ұйымдастырылды.
Мерекеге министрлік өкілдерімен қатар Қазақстанның еңбек сіңірген қайраткері, танымал әнші Светлана Айтбаева қатысты.
Мәдениет және ақпарат министрі Аида Балаеваның атынан аналар мен нәрестелерге құттықтау ашықхаттары мен естелік сыйлықтар табысталды.
Салтанатты шараның ерекше сәті – әлемге танымал әнші Димаш Құдайбергеннің қолтаңбасы бар сыйлықтардың табысталуы болды.
Бұл сыйлықтарды Светлана Айтбаева жеткізіп, өнер иесінің жас отбасыларға арнаған ақ тілектерін жеткізді: амандық, ұзақ ғұмыр және бақыт тіледі.
