Қарағандыда жеңіл көлік жүргізушісі 9 жастағы қыз баланы қағып кетті, деп хабарлайды ALASH.KZ.
Қарағанды қаласында Морозов көшесінде жол-көлік оқиғасы орын алды — Toyota маркалы автокөлік 9 жастағы қыз баланы қағып кетті.
Бұл туралы облыстық полиция департаментінің баспасөз қызметі мәлімдеді.
Алдын ала мәлімет бойынша, бала жол жиегінде тұрған жүк көлігінің артын айналып өтіп, кенеттен жолға жүгіріп шыққан.
Жүргізуші тежегішті басып үлгермей, баланы қағып кеткен.
Зардап шеккен қыз түрлі жарақаттармен жедел түрде ауруханаға жеткізілді.
Қазіргі уақытта 47 жастағы жүргізушіге қатысты тексеру жүргізіліп, оқиғаның барлық мән-жайы анықталуда.
