Журналист Ләйлә Сұлтанқызы уайым мен қайғының түбі жақсылыққа апармайтынын баяндады, деп хабарлайды ALASH.KZ.
«Артық салмақпен күресіп жатқан марафонымдағы қыздармен Zoom кездесу өткіздім. Арасында алғысын жаудырғандар да, сұрақтың астына алғандар да, салмағы тоқтап қалғандар да, тек тыңдап отырғандар да болды. Бәрі сондай ашық, жарқын, позитивке толы қыздар екен, қуанып қалдым!», - деп жазды ол әлеуметтік желідегі парақшасында.
Артық салмақтың өзі адамның миындағы түрлі мәселеден туындайтынын айтты.
«Кейде уайымды, проблеманы «жеп» шешеміз. Ал соңы жақсылыққа апармайды. Әрине, өзіңді жеңіл әрі жайлы сезінгенге не жетсін! Бірақ ең бастысы – денсаулыққа зиян келтірмейтін, өзіңді жақсы сезінетін салмаққа ұмтылу», - деп түйіндеді Ләйлә Сұлтанқызы.
