Сеулде белгісіз адам көпқабатты тұрғын үйді отшашқыш құралмен өртеп жіберді. Алдын ала мәлімет бойынша, үш адам қаза тауып, кемінде 11 адам жарақат алған, деп хабарлайды ALASH.KZ.
Жергілікті полицияның хабарлауынша, бүгін таңертең 60 жастағы корейлік азамат 21 қабатты тұрғын үйге кіріп, 4-қабатта пестицид бүріккішінен қайта жасалған отшашқыш құрал арқылы өрт бастаған.
Өрттен қашпақ болған үш адам терезеден құлап, көз жұмған. Тағы 11 адам жарақат алып, олардың бесеуінің жағдайы ауыр.
Өртті бастаған адам оқиға орнынан мотоциклмен қашып кеткен. Қазіргі таңда оны жергілікті полиция іздестіріп жатыр.
Полицияның мәліметінше, күдікті өрт кезінде қаза тапқан. Бірнеше сағат бұрын ол тағы бір тұрғын үйді өртемек болған.
