Осылай деп сұрақ қойған Ulysmedia.kz тілшісінің сұрағына Вице-премьер әрі ұлттық экономика министрі Серік Жұманғарин бизнесте де, жеке өмірінде де салық төлеп жүргенін айтты, деп жазады Alash.KZ.
Естеріңізде болса, 2023 жылы Серік Жұманғарин өз отбасының бизнес-құрылымдарына тиесілі болған Ақтөбедегі 10 пәтер жайлы айтқан болатын.
Тілші Серік Жұманғариннен “сол пәтерлерді сатқанда салық төледіңіздер ме? Өзіңіз қаншалықты әділ әрі ашық салық төлеушімін деп есептейсіз?” деп сұрақ қояды.
- Әрқашан да бизнесте де, жеке өмірімде бірінші салық төлеймін, содан кейін тыныш ұйықтаймын. Әкеміздің “тыныштық керек” дейтін сөзі бар. Салық төлеген адам тыныш ұйықтайды, – дейді ол.
