АҚШ президенті Дональд Трамп Ресей мен Украина қақтығысты тоқтатуға келіспесе, қатаң шаралар қолдануға дайын екенін мәлімдеді, деп хабарлайды ALASH.KZ.
NBC News агенттігінің хабарлауынша, бұл туралы ол Ақ үйде журналистерге берген сұхбатында айтқан.
Оның айтуынша, Ресей президенті Владимир Путинмен жуырда болған телефон арқылы сөйлесу барысында ұзаққа созылған қақтығыс туралы пікір білдірген.
«Саябақта екі бала төбелесіп жатса, кейде оларды біраз төбелестіріп алған дұрыс, содан кейін ажыратуға болады», – деп түсіндірді Трамп.
Журналистердің бірі Трамптан Ресейге қарсы санкциялар енгізу үшін нақты мерзім белгілеген- белгілемегенін сұрады.
«Иә, бұл мерзім менің ойымда тұр», – деп жауап берді АҚШ басшысы.
Оның айтуынша, егер соғыстың бейбіт шешімге бет алғаны байқалмаса, ол «өте қатаң шаралар» қабылдауға ниетті екенін айтты.
«Шынымды айтсам, бұл екі тарапқа да қатысты болуы мүмкін. Себебі танго билеу үшін екеу керек», – деп түйіндеді Дональд Трамп.
Ресей Украинаның бірнеше аймағына соққы жасады.
Негізгі соққыға ұшыраған қалалар: Киев, Тернополь, Луцьк.
Киев. Қаланың көптеген аудандарында өрт шықты. Көпқабатты тұрғын үйлер, ангарлар өртеніп жатыр. 20-дан астам адам жараланып, 4 адам қаза тапты.
Тернополь. Ең жойқын шабуыл осы қалаға жасалды. Өнеркәсіптік және инфрақұрылым нысандарына зақым келген. Қаланың бір бөлігі жарықсыз қалды.
Луцьк. Көпқабатты тұрғын үйге тікелей соққы жасалған. Қала мэрінің айтуынша, кем дегенде 5 адам жарақат алды, қаза тапқандар туралы ақпарат жоқ дейді. Көптеген жеке үйлер мен кейбір оқу орындарының терезелері сынған, мемлекеттік мекемелер зақымданған.
Ресей түнде:
• Ту-95МС ұшақтары арқылы Х-101 қанатты зымырандарын;
• «Калибр» зымырандарын;
• «Искандер-М» және KN-23 баллистикалық ракеталарын;
• «Герань» типіндегі дрондарды қолданды.
